lachende dökarenaDe lachende Dökarena is ein fiës det plaats geit vinge op zatterdig 22 Februari in Dok 6 in Kepèl. ’t Idee is simpel en gebietst van de Kölsche vastelaovend. Eine joeksige aovend vol met laevende muziek, gezelligheid en flauwekul. Mitzinge, luustere en danse same met eine hiële sjtapel artiesten en joekskepelle oeht os eige umgaeving.

Wat is ’t motto?

T motto van dit jaor is: “De Joeks Regeert”

Mot ich verkleid kome?

’t Is (bijna) vastelaovend, dus niks mot! Mer om d’n aovend nog mier sfeer te gaeve vinge wae ut wel tof als idderein zoë veul mogelik verkleid kumpt. De bis in idder geval hiël zeker neet de innigste dae verkleid is, wellicht wel ein van de weinige die neet verkleid zien… (dus veur de zekerheid un kipske en unne zakdook in de jassetes kèn gèn kwaod..)

Is t vur idderein?

Absoluut! Vur kleine kinger missjien gèt aan de late kant… dus die zulle d’r wel neet zoëveul zien.. mer verder nuddige wae beej deze idderein oeht dae van unne echte, sjoëne en joeksige vastelaovesaovend hèlt. Veul liedjes oeht Venlo, Kölle en netuurlik auch os eige umgaeving zulle deze aovend veurbeej kome. Missjien soms ein tendje rustiger den taegeweurdig gebroekelik is met de vastelaovend. Maar gegarandeerd super gezellig!

Is d’r entree?

In principe is d’r gènne entree. Idderein dae mitwerkt aan de lachende dök arena duit dit vrijwillig. Van de minse die de zaal mèt aankleije tot aan de artieste en joekskepelle.
Wae make netuurlik wel koste en die probeere wae d’r zoë veul mogelik oeht te hale door de verkaup van unieke Lachende Dök Arena Buttons.

Door de site te te blijven gebruiken, gaat u akkoord met het gebruik van cookies. meer informatie

De cookie-instellingen op deze website zijn ingesteld op 'toestaan cookies "om u de beste surfervaring mogelijk. Als u doorgaat met deze website te gebruiken zonder het wijzigen van uw cookie-instellingen of u klikt op "Accepteren" hieronder dan bent u akkoord met deze instellingen.

Sluiten